By By qui Tang Tacio
Magtiyo, magkaribal?
posted 18-Mar-2018  ·  
2,003 views  ·   0 comments  ·  
Nagtabuan palan daa si Gob Boboy boda dating Bise Gob Bong asin pag-iriba diyan sa San Isidro Village kan sarong semana.

Segun sa chismosong taga-capitolyo, pinainimbitaran daa ni Bong T an gobernador sa harong kan sarong PBM kun saen aduman an saiyang grupo.

Dae pa sinabi kan chismoso kung ano an napaghoronan. Dae man sinabi kung naghagad nan in dispensa qui Cua an derotadong bise gob sa pagsahot caini sa gobernador sa pagbadil qui Larry Que.

Maguiromdoman na ginamit sa recklamo kan agom ni Que an affidavit ni Bong na soboot nagkumpisal saiya si PO1 Vincent Tacorda, bagay na pignegaran man kan pulis.

Sinabi na ni DOJ Secretary Vitaliano Aguirre na posibleng madismiss an kaso ta hearsay o tsismis man sana an ebidensya laban qui Cua. Bako ining fake, arog kan buhok ni secretary, he! he! he!

Segun pa sa osipon, possible daang gahanap ning kakampi si Bise Bong sa saiyang pagkandidato bilang kongresman kalaban an saiyang tiyo, si Jorge Sarmiento, he! he! he! 

Sabi kan chismoso, dae man ini puede maglaban qui Boboy ta tibaad mag-ikaduwang pagkapadungkal sa kalbaryo nin pulitika. Lalong dae man daa kaini puedeng pahaleon si Bise Shirley, na saro sa saiyang fiel na parasunod. Masupog man na duman sa Baras magkandidato, ta hababa na man an puestong ini.

Sa kongresman puede pa, lalo la kung matentaran ni Speaklouder Pantaleon si Cong Cesar na maglaban sa pagkagobernador y si Manay Cely nangguid o an aquing si Tiptip maglaban man sa pagka-congressman.

Alagad, tibaad dae man mangyari an hagad kan grupo ta hararom na yata an lugad na hinubon ninda sa gobernador. Tibaad mag-alburoto man an mga parasunod ni Cua kung ini makiubay sa dating habo sa sainda.

Halaton ta na sana kung ano pa ang mangyayari. Harani na an Semana Santa. Sabay sa pagluwas kan mga karo nin santo, padasal sa mga baryo, mga Cenaculo y pagprosesyon, maluwas man an mga makandidato sa 2019 tanganing magpaheling na sa publico (kaibahan si Nestor), he! he! he! Sabi ngani sa tunay na libro, magmaan an gabos sa mga mga parasagin-sagin, sa mga sungayan na tinahuban sana nin wig, mga bobowaon na baguing tunay na an pananaramon, pati mga mahabas y para deligencia na dakul-dakul na an ihulog sa dulot sa panahon nin misa, he! he! he!

*****

Dinismis na palan sa puesto an district engineer sa DPWH na kinasuhan sa Ombudsman.

Ngonian, segun sa huringhuding, habang ini nag-aatender pa nin hearing sa lokal na RTC sa kasong criminal, nag-empleyo ngona daa ini diyan sa banwaan nin Bato bilang consultant sa infra kan municipio.

Maray man ini, basta dae maparaot an constituents. Pabor man sa ingeniero municipal, na magapalataw-lataw sa saiyang puesto, he! he! he!

*****

Tibaad daa madeclarar nang rabies-free an islang maogma sa masunod na mga bulan.

Magpoon 2014, dae nang naireport na nagkahelang nin rabies an mga ospital.

Mayad na bareta ini sa mga kaayaman y an mga amo ninda. Dae nang problema kung sinda maki-lips-to-lips sa mga gadya, he! he! he!

An gustong sabihon marinas an pagpalakaw kan programa kan capitolyo y mga LGUs kontra sa rabies, maski na ngani bako man gabos na ayam nabakunahan. An problema ta dindi sa isla ta an cadaclan na ayam dae nagakod, bakong arog kan mga gadyang binakalan pa sa Maynilang kayganda na contodo kulungan pati na dog food.

Kung sabagay, madari man sana mabolong an kagat nin rabyadong ayam, ta mapabakuna ka sana sa ospital.

An masakit iyo an makagat nin rabyadong politico, lalo na itong mga namukod nin porciento sa mga contratista y nangagat nin mga habo magtao nin grasyang para sa hade….
0 comments
new to catanduanestribune.com?
connect with us to leave a comment.
connect thru
Cancel
Cancel
Cancel
Other Isip-isipon Ta articles
home home album photo album blogs blogs