By By qui Tang Tacio
Bawal ang trapo sa pederalismo?
posted 8-Oct-2018  ·  
1,239 views  ·   0 comments  ·  

Dai pa man nin fondo an proyecto ni dating Virac mayor Flerida na integrated business center na itogdoc diyan sa loteng binakal sa SIV nin P28 million. An fondo sa 2019 budget pa kan gobyerno nacional, an importante igua nang pigahalat si ex-mayor na dos cientos milyones pesos na pinanuga ni Pay Digong.

Ang mangyayari, magiging duwa an saod ta an mga nasa lumang saod habo man magbaryo sa SIV ta harayo y igua na man nin fondo si alcalde Samuel para sa pagpahingayad y pagpagayon kan lumang saod.

An marinas, duman na sa SIV ikahang an bus terminal y satellite market, alagad an patinampo paluwas dindi dapat dakulaan, ibalda sa Moonwalk tanganing malibyano. Ini an dapat na mainsistir kan municipio sa DPWH regional office na iyo an maimplementar kan proyecto.

Ngonian, pag-abot sa deligencias posibles, bahala na an DPWH y an contratista, ta siguradong iguang ma-advance ta gagamiton sa campanya magpoon Marso,

Entonces, mapoon an contractor lugi nang dati, he! he! he! Dapat marigmat man an mata kan mga ciudadano ta tibaad igua na naman nin milagro sa halo nin kongkreto, he! he! he!

*****

Huringhuding sana daa an pekeng perac na nagluwas kan panahon na siya nagkandidato, segun qui Ingeniero Hector Sanchez.

Kung totoo daa ito, cotana daa nakakulong siya ngonian. Dae na man talagang evidencia ta sinolo na kan mga nacarecibe, arog qui Uktoy (tabangan nin Dios) na nakakua man nin limang kahon nin pekeng aquinientos.

*****

Sisay daw an gasabi nin totoo duman sa Payo?

Dati nang pig-anuncio ni ex-PBM Oyong Angeles na sinda na ni Bise Mayor Bingbong Cabrera an ma-tandem para sa 2019.

Alagad sabi man ni bise alcalde, bako man ining totoo ta dae niya man inako an gusting mangyari kan saiyang ninong na ex-mayor y ex-capitan.

An nangyari daa, nagkasaro na sinda ni Consejal Tiay Villamor y anom pang reeleksyonistang consejal na magbilog nin sarong buronyog na grupo, minsan an saendang candidato sa gobernador iba.

Bahala na daa an maka-Cua na mag-atender nin rally kan partido y bahala na man siya kung mag-abot man si Cong Cesar. An importante daa, sarabay sinda gabos pangampanya pag wara na si Boboy y Cong Saryo, he! he! he!

*****

Sabi naman kan mga gusto nin pederalismo, dae daang lugar sa bag-ong federal Philippines an mga trapos o mga tradisyunal na politico.

Naano man ining mga tawong ini, dai isi kung ano an kaisipan ninda?

Mangyayari sana an siring na pangaturogan kung dae mabale sa eleksyon na sarong politico, kapamilya nin politico, dating politico, kapamilya nin dating politico, pati na an saendang mga alalay o dating alalay.

An puede sana magdalagan iyo itong mga virgenes sa politica, daeng dukit nin panao nin cuarta, iguang sadiring isip y dae nagakdan nin mga presente o dating politico.

Only in your dreams, sabi sa Ingles….

*****

Maati daa an kubeta diyan sa CSU Elementary Laboratory Schools.

Iyo ini an reclamo nin sarong gasundong magurang na nakamati nin dae ikasugo sa iba kan nacaaguing semana.

An naheling niya daang dahelan, baad habo kan mga utility na magsakdo nin tubig, lalo na ta uyag palan an pumping station nin VIWAD sa laog kan escuelahan.

Marinas caini, ta igua man sanang perac an unibersidad, ano daw kung magpatogdoc man kamo nin elevated water tank na kayang magsuplay nin tubig, minsan pambuhos lamang sa kubeta, sag abos na edificio sa CSU?

Sayang an magagayon na mga building na tinogdoc o ipatogdoc pa kung dae man sanang tubig an mga kubeta, makapadulag nin mga visita.


0 comments
new to catanduanestribune.com?
connect with us to leave a comment.
connect thru
Cancel
Cancel
Cancel
Other Isip-isipon Ta articles
home home album photo album blogs blogs