By By qui Tang Tacio
Batid magkurukay, daeng pambubod
posted 21-Oct-2018  ·  
766 views  ·   0 comments  ·  

Apat na palan an candidato sa pagca-gobernador, maliban sa duwang higanteng mabanggaan para sa capitolyo.

Nag-file man nin CoCs sinda Marlon “Skylon” Suplig, na nakapang-anom sa mga ambisyosong magin PBM kang 2016, y Rene “Asay” Vega, dating PBM na nagcandidatong consejal sa Viga kan 2016 alagad naderota ta pang-trese sana.

Para sa mga votante, si Gob Boboy y Cong Cesar man sana an importante na sinda dacul an pambubod, he! he! he! An iba daa, hanggang kurukay sana, he! he! he!

*****

Sa congressman, apat man, basta dae na magbale si ex-future congressman Rey Mendez y cairibang si Horacio Villarete.

Dae puedeng hareon sa cuentada an apat – Manoy Jorge, Manoy Hec, Manay Siliwong, y Manoy Cotipyo – ta anas siguro ini iguang bitbit na sinakong pambahog sa mga gursok na votante. Kung saen hari an saendang pambubod, dae nang labot an mga votante ta parareho man sana daa an color kan perac.

*****

Sisay daw sa mga candidato sa 2019 an naghagad sa Malakanyang na idestino sa isla maogma si Jovie Espenido?

Imposibleng daeng naghinghing sa taringa ni PRRD o SAP Bong Go tanganing darhon kan opisyal an saiyang maveninong badil sa Catanduanes. Halaton ta na sana an hiwas kan Campo Camacho sa campanya sa otro taon kung iguang makinabang na politico.

*****

Sa mga nahagas sa posibleng paglangkaw kan bilang nin nabadil gadan sa isla kung magpoon na an misyon ni Espenido, dae na kita kaan nin maginibo kundi magmaan.

Igua kamong mga smart phone, ihanda sana an camera tanganing macacua nin video kung magsalakay an mga pulis.

Kung dae man kamong kasal-an o dae man nin kapot na badil o tarom, dae man nin puedeng ikatakot. Kung sahotan ka nin anoman na krimen y tanoman nin evidencia, iyan sana.

Ang importante sa mga observador, lalo na taga-media, masidan kung solo sana si Superintendente Espenido pag-abot sa isla. Kung iguang kaibang lampas duwa, posibleng iguang problema.

Maguiromdoman na hanggan 2016, daeng nangyaring garadanan sa isla manongod sa droga. Igua cotana duman sa Viga kan 2015, alagad dae natigbak an binadil kan pulis.

Caya an nangyari, nagpadara nin mga anti-drug enforcer an PNP Bicol para tabangan an Campo Camacho, Resulta, todas an taga-Danicop sa soboot buy-bust. Nanlaban daa, minsan naka-short na daeng bolsa, he! he! he!

*****

Saro palan daang pulis sa Virac an kakasuhan nin estafa thru falsification of public documents.

Segun sa mga chismosong pulis, nangutang daa si PO1 nin halos tres cientos mil pesos sa payb-siks na bakong Bumbay diyan sa saod. Dae na nakabayad si ser, ta an ginamit palan na mga papeles peke an pirma kan mga among opisyal.

Dae man sinabi kung ngata nagibo ini kan pulis. Posibleng babaye sa Calle Mabole, pagka-adik sa sugal o sobrang luho.

Sa isla, madari man sana madakop kung sisay an iguang mga deligencia na bakong pinagalan. An dae sana nadakop iyo itong pigalubong an cuarta, alagad masakit magtios kung igua ka man sanang pambakal, he! he! he!

Kung sa utang hari an harong o anoman na propiedad, daeng problema ta bakong problema kan tawo kung pano mo babayadan an utang na minilyon.

An masakit, kung igua kang lampaw-riog na perac, cadacul na pagsadiri pati na babaye, na an sueldo mo makabuhay sana nin sarong pamilya.


0 comments
new to catanduanestribune.com?
connect with us to leave a comment.
connect thru
Cancel
Cancel
Cancel
Other Isip-isipon Ta articles
home home album photo album blogs blogs