By By qui Tang Tacio
Kamot-an an mga kalaban, sabi sa Biblia
posted 25-Mar-2019  ·  
763 views  ·   0 comments  ·  

Kinua na palan ni Manoy Hec si Kuya Jun Verceles bilang campaign strategist.

Magayon ini para qui engineer ta pirmi na sanang paltos an saiyang mga paagui sa mga nacaaguing campanya.

Marinas man ini para sa dating gobernador/congressman tanganing mapatunayan niya naman na kaya niyang paganahon si Manoy Hec matapos niyang tabangan si Manay Siliwong kan 2013 sa pagka-gobernador.

Maguiromdoman na dae nag-triumfo si Kuya Jun sa saendang ibahan ni Bong Teves kan 2016 sa pagdalagan caini laban qui Gob Boboy y JB Wong sa pagka-gobernador. Segun sa mga nacaisi, dae man daa pano nagtubod an dating bise gob sa mga tataramon ni Kuya Jun kaya an laban napierde.

Natural, maray-maray an bayad sa serbisyo ni Kuya Jun y sobra-sobra man daa an pambayad ni Manoy Hec.

Sabi man ni Manay Siliwong, dae man problema kung aduman na an saiyang dating advise sa kalaban ta awat na man daa siyang nainot sa karera, he! he! he!

*****

Iyo ini an naturalesa kang politica. Sani ngani, in politics there are no permanent friends or enemies, only permanent interests.

Maguiromdoman na dati nang nagkalaban si Gob Boboy y Bong Teves, dai man ining magkalaban si Boboy y Dayunyor. Kung ngata ta sinda gakairibahan ngonian por dahel sana sa sarong objeto: an manggana sa Mayo 13.

Kang bako pang eleksyon, nunca kaini maisip na maki-alyansa sa kalaban. Ang mga isip kaini, maki-abrasa sana bagui nang gahadok sa lubot kang kalaban, he! he! he!

Kung sabagay, sabi ngani kan Mahal na Diyos, dapat patawadon an mga kalaban y ipamibi an mga tawong gauyag sa saimo. Siring man an mga gibo kan satong mga politico ngonian, sabay na ang paghagad nin grasya sa kaitaasan y an magcacanigong mejoras na makapangbubod pag-abot sa ultima hora…

*****

Hanggan dae pa nakabaryo an Land Bank diyan sa bag-o alagad awat mahaman na edificio sa CSU, sige ang surusuan sa limitadong espasyo caini diyan sa JMA building.

Uyag pa naman daa an duwang aircon sa oficina, caya an mga kliyente caini pinaning-otan habang nacatindog o nacatukaw sa laog nin pilang oras habang gahalat na maapod an saendang numero sa pila.

Magayon siguro magbakal pa nin sarong daculang TV si manedyer para ikahang diyan sa laog kan branch, magpalabas ning kung anong pelikula maski naka-silencio an speaker, tanganing tunay na Standing Room Only, he! he! he!

Kung puede pa, maki-areglo si manedyer sa Jollibee sa libreng delivery ning burger o manok tanganing dae na magparibod an mga gahalat kan saendang numero, he! he! he!

*****

Napano palan daa an solar kan familia Rodulfo duman sa Bato kang magselebrar si dating alcalde Juan kan saenyang compleaño kang Sabado.

Halos dos cientos na kahon nin cerveza an naubos kan mga parainom, dae pa kabala an kinahon na Fundador y Black Label na biniritbit kan mga ini sa saendang mga lamesa. Kung pirang orig, baka y carbaw an naotsan dahil ki Juan, maghapot na sana tabi kamo duman sa nagtuwang sa pagtubis kan mga rinuto ni atorni Oliver y an saiyang mga tugang.

Aduman man daa si Bise Mayor Boroy na dae sinayang ang pagkapot sa mikropono y dagos na naghagad nin tabang sa maabot na eleksyon.

Ipamibi niato na an saiyang kahagadan dae maringwan kan mga nakifuncion minsan napawasan na y

tanganing tunay na Standing Room Only, he! he! he!

Kung puede pa, maki-areglo si manedyer sa Jollibee sa libreng delivery ning burger o manok tanganing dae na magparibod an mga gahalat kan saendang numero, he! he! he!

*****

    Napano palan daa an solar kan familia Rodulfo duman sa Bato kang magselebrar si dating alcalde Juan kan saenyang compleaño kang Sabado.

    Halos dos cientos na kahon nin cerveza an naubos kan mga parainom, dae pa kabala an kinahon na Fundador y Black Label na biniritbit kan mga ini sa saendang mga lamesa. Kung pirang orig, baka y carbaw an naotsan dahil ki Juan, maghapot na sana tabi kamo duman sa nagtuwang sa pagtubis kan mga rinuto ni atorni Oliver y an saiyang mga tugang.

    Aduman man daa si Bise Mayor Boroy na dae sinayang ang pagkapot sa mikropono y dagos na naghagad nin tabang sa maabot na eleksyon.

    Ipamibi niato na an saiyang kahagadan dae maringwan kan mga nakifuncion minsan napawasan na y idinuhay na an kinaon, he! he! he!

*****

    Igua nang mga candidatong saraday, o itong mga guno sa daculang dagat, na nagtaning na sa mga pating sa politica tanganing maghagad nin asistencia.

    Saen makitkit? Iyo ini an cadaclan na simbag kan mga tahodan na politico.

    Sa mga laban na tagilid, masakit na mabawasan an saimong tagong bala, tibaad ika naman an maubusan.

    Kaya an aviso dapat sa mga kulang an pambahog, magtaya na sa lotto oro-aldaw asin sabayan nin novena sa simbahan.

    Kung gumana nin tolong milyon, itago na sana ta saying. Kung cinco milyon, gastoson an sobra, bahala na kung gumana. Kung veinte milyones, hare na pagcandidato….


0 comments
new to catanduanestribune.com?
connect with us to leave a comment.
connect thru
Cancel
Cancel
Cancel
Other Isip-isipon Ta articles
home home album photo album blogs blogs