By By qui Tang Tacio
Amay na an taraltagan
posted 6-May-2019  ·  
449 views  ·   0 comments  ·  

Minsan bawal an mangampanya magpoon Hueves Santo hanggan Viernes Santo, igua pa man siyempreng nakalusot sa mga guardia.

Segun sa mga nagprusisyon, igua daa sindang naheling na contratistang bocal na may kapot na kandila, nakatindog diyan sa iguang gurang na molave harani sa plaza ni Uban. Dae man daa cotanang problema kung nagpahingalo ta napagl na ning batlay. Ang problema, ang bado daa ni kagawad itong gamit niya sa pangampanya, he! he! he!

An bocal na ini na awat nang contratista habang nacatocaw sa junta provincial iyo daa an caporit sa survey…

*****

Nanaltag na man daa an sarong dating bocal na gusto makabalik sa dati niyang puesto ta dugang daa an sapa duman sa napuntahan niya kang 2013.

Veinte pesos daa cada votante ang duhor kung mangharong-harong, alagad puede man daa maghirit lalo na kung kakantyawan na madari maringawan ang veinte, he! he! he!

Habo siguro magtao nin duro-dacula ta tibaad dae mahaman ang pigapagibong mansion sa Virac, he! he! he!

*****

Nagsurat daa si Manay Siliwong qui Monsenyor Manolo manongod sa maabot na eleksyon.

Segun sa huringhuding, an gusto daa mangyari kan dating gobernadora, basahon kan Obispo asin kapadian an mensahe sa gabos na misa oro-aldaw hanggan mag-abot an eleksyon.

Sabi kan paraosip, an mensahe daa para sa mga votante, tanganing dae na sinda maghagad ning bayad sa cada voto, he! he! he! Pinangaturogan o kulang sa katurog?

An gustong sabihon caini, posibleng kulang an nakatagamang fondo kan mga Wong para sa pambakal nin voto. Ta kung gaombaw ang caban ninda, dae na sinda mahapot pa kung puedeng mabawasan an pagbakal nin voto.

Dai man siguro makabawas an saendang ibayad duman sa limang nadakpan nin badil sa checkpoint sa Bato, harimbawang magpapreso na sana sinda tanganing dae madamay an amo sa kaso, he! he! he!

Segun sa mga nakaheling na residentes ning Sipi, bako man sanang sarong awto an nag-agui sa checkpoint kan bangguing ito.

Saro daang convoy nin mga vehiculo an nag-agui alagad an pangtolo sana an pinara kan mga pulis. Aduman pa daa an naenot na mga awto kan parahon an Toyota Prado alagad dae na daa nagluwas an mga sakay kan mga naenot na SUV.

An gustong sabihon, awat nang kaiba caini an apat na goons. An gustong sabihon pa, bakong pulis an nakatiktik sa mga nagdara ning badil kundi an saro sa duwang kalaban ni Manay Siliwong. Kung sisay ini, bahala an mga natadang goons sa Moonwalk na magdiskubre, he! he! he!

*****

    Kung kan nacaaguing eleksyon, pinakamahal an voto sa Bato Alisto na uminabot sa dos mil cada votante, dadaogon daa ini ngonian kan Pandan.

    Sabi kan mga taga-norte, dodoblehon daa ini kan mga candidatong gustong palayason si alcalde Takoy sa municipio. Kung saen hare an cuartang ipanao, dae man nin sinabi.

    Segun sa mga marigmat an mata sa politica, an mga banwang maulan nin cuarta sa eleksyon afuera sa Pandan o Bato, iyo an Virac, San Miguel, Caramoran, Viga, Baras, Panganiban, y Gigmoto.

    Apat na babaye y sarong lalaki an galaban sa Caramoran, puro daa ini iguang imo, alagad lamang siyempre an nacatocaw. Sa Payo, tolo man an masalpukan, puro daracula an familia.

    Sa San Miguel, Baras, Viga y Gigmoto, one-on-one ang laban caya fuerte an taraltagan ta gabos dae mapadaog.

    Idagdag mo pa an derby sa itaas, sa gobernador, congressman y SP West district, posibleng abuton nin lampas cinco mil cada votante an suma total na marecibe, dae pa cabale an sabon, shampoo, noodles, pandesal, kape, azucar asin mga bolitas na puedeng ipanucal nin cuarta sa Moonwalk, he! he! he!

    Sabi ngani kan mga paraviaje, fully booked na daa an mga bus haring Maynilang kayganda paribod sa isla magpoon Mayo uno sagcod trese. Dae nang ibang masakyan kundi eroplano o taxi, kung igua kang imo.

    Sige na man nin tipon nin stock an mga mall y tindahan para sa maabot na Election Sale sa Mayo 14-18….


0 comments
new to catanduanestribune.com?
connect with us to leave a comment.
connect thru
Cancel
Cancel
Cancel
Other Isip-isipon Ta articles
home home album photo album blogs blogs