Mensahe para sa mga Viracnon ni Mayor Samuel V. Laynes
posted 17 days ago  ·  
369 views  ·   0 comments  ·  

Ngunyan na tapos na ang botohan sa taon na ini, nilalauman niato na matatapos na man ang pamumulitika sa satuyang munisipyo. Maski na ngani magabat man sa boot na isipon na dai na niato maipapadagos pa ang mga napagplanuhan na mga programa y proyekto para sa satuyang namomootan na banwaan ning Virac, alagad kampante man ako na magpapadagos ang paghinguhang ini sa paagi kan satuyang bagong na-elehir na alkalde ning Virac na si Mayor Posoy Sarmiento.

Nangangapudan ako sa satuyang mga kahimanwa na itao ta ang respeto asin suporta kay incoming Mayor Sarmiento sa saiyang pagpromotir ning gobyerno ning pobre o ning kasaradayan. Sa mga dayopot na nagsuporta sa sakuyang kandidatura asin sa gabos na padagos na nagtitiwala sa sakuyang liderato, dai ko kayang saro-saroon kamo gabos, alagad ang sakuyang daing sokol na pamabalos sa sainyo gabos. Laum ko ang pakikisumaro ning gabos sa paghinguha na mapauswag ang banwaan ning Virac. Dios ang magbalos sa sainyo gabos. Go Shine Virac!


0 comments
new to catanduanestribune.com?
connect with us to leave a comment.
connect thru
Cancel
Cancel
Cancel
home home album photo album blogs blogs