By By efren ETASOR sorra
ANG CSC HABLON-DAWANI: GINILUMDOM
posted 1-Jul-2019  ·  
517 views  ·   0 comments  ·  
presente ang mga naging harigi ning Hablon
estrella placides, noli rodrigueza, ramonfelipe
sarmiento, estela monjardin, rico romero, david
templonuevo, chit lorenzana, boda ako (katakod si agom)
sagcod mga actor boda mga teknico kang teatro

sa pag ilistoryahan, nabuhay ang mga
madugo-pero-maogmang proceso ning produksyon
sagcod ang nagging efecto ning teatro
sa ordinaryong tawo, sa hinuyhoy sa poder
sagcod sa mga actor kang cultural outreach program

pinaka-bantog ang “Abaca”
na nakalacop sa bilog na isla
sagcod sa mga barangay ning Dugui (theater-on-foot)
sagcod sa mga ciudad ning Legazpi boda Naga

sa estoria sagcod mga canta caini
dinuyan sa culturang Catandunganon
ang mga para-hag-ot ning abaca
linampitaw ang mga para-troso (illegal loggers)
kinugos su victima ning overseas employment

“Ang Pilipinas para sa Pilipino”
sarong epicong produksyon sa pakisaro
sa Centennial Anniversary ning Pilipinas
rinibot sa bilog na isla sa tuwang ning mga LGU
ning provincia sagcod mga municipio

ang “Bakit Nagkaganoon; Bakit Nagkaganito”
piniling “The Best Straight Play” sa CCP, Manila
1985 DKB Festival na nakihampangan sa mga
teatro ning Davao, Cebu, Olongapo, Manila
(Catanduanes sana ang provincia)

ang “Padadyaw sa Tinampo” na naging institusyon
katakod kang Catanduanes Festival bilang padadyaw
kang pangkulturang sayaw ning Catanduanes…
ang Pantominang Catandungan, na iba man kang
mga sayaw na pantomina sa ibang rona ning bicol

maogmang pagtilipon ning mga hablon
kang ika-80ng birthday ko, ngonian na taon
kaogmahan  na tinapos ning kamatangaan
maski habo pang magbururagan

0 comments
new to catanduanestribune.com?
connect with us to leave a comment.
connect thru
Cancel
Cancel
Cancel
Other Burabod articles
home home album photo album blogs blogs