By By qui Tang Tacio
Mag-ingat sa cellphone scam
posted 12 days ago  ·  
292 views  ·   0 comments  ·  

Inaabisuhan na sa panahon ngonian ning pagtios, uso na naman ang cellphone scam.

Kan nacaaguing semana, iguang nacaribe nin text manongod sa pa-raffle ning sarong brand ning 3-in-1 na kape, na siya na an masunod na magana.

Bilang pruweba, itinao kang scammer an pangaran asin kontak number kan soboot nanggana asin pinaapudan sa victima. Natural, kakumplot man sana kan scammer an masimbag, caya nakumbinse an victima na totoo talaga an pigasabi kan scammer.

Duman na siya hinagadan nin cuarta, magpoon P4,000 hanggan uminabot ini nin lampas cincuenta mil.

Kang matubis an siningotan na perac, nangutang na man saiya sa kapamilya asin mga kamidbid. Dae nagtubod sa abiso kang iba na scam an saiyang nalaogan.

Kang dae na siya nakatao nin imo, duman na nakagimadmad an pobreng victima. Kang pig-trace ang lugar kung saen pinadara an cuarta, aduman palan sa Dinagat Island sa Surigao del Norte.

Sabi kan mga pulis, masakit nang mabawi an hinabon na cuarta, afuera na sana kung maghagad pa otro y madakop ini sa entrapment operation.

Igua man nin mga nakarecibe nin soboot text hari sa representante kan NPA sa islang Catandungan. Pareho man ini kan mga sc[U1] ammer nin mga raffle asin iba pa, kaya kung an sisay man makarecibe caini, dai pagsimbagon.

Bagui ka man sanang sila na babanwiton sa dagat. Oras na magnamit ka kan paon, sa masunod na kagat mo, dali ka na asin an saimong pinagalan.

*****

Nabigla an mga motoristang nagpunta sa Himlayan San Lorenzo kan Defuntorum.

Paglaog kan saendang awto, traysikel y motorsiklo, dagos na ining pinara y hinagadan nin parking fee. Iguang itinaong sarong pidasong papel na soboot parking ticket, na dae man nganing numero y senyal na ini aprobado nin BIR.

An cada awto cuarenta pesos, an traysikel y motor siguro veinte pesos man.

Segun sa reclamador, sala man na pinag-implementar an palisiyang ini na daeng anuncio sa publicong mavisita sa sa lulubngan kan saendang mga gadan.

Sabi pa, cotana daa libre an parking sa Himlayan ta sa laog nin sarong taon, duwang vez man sana sinda nakapunta sa lugar, kung anibersaryo kan pagkagadan y kung Defuntorum.

Mayad daa kung toltol man an parking area, ta an aduman daa kagabonan na naging mahanglas matapos an uran.

Kung magiging permanente daa an parking fee na ini, cotana daa ipasemento kan manejamiento an kagabonan sa paglaog sa gate y dae na pagparkingan ning gadan.

*****

Nagreclamo man an sarong residente nin Bato manongod sa checkpoint na binogtak kan pulis kan mismong Noviembre uno.

Segun sa saiya, minsan iguang poder an pulis na magkahang nin checkpoint sa arin man na parte kan Bato maski anong oras, baguing sala man sa pagheling kan publico (dae kabala an mga Publico sa Virac) na gibohon ini sa oras kan Defuntorum.

Dae lamang daa naherak an PNP sa mga tawong mavisita sa saendang mga mahal sa buhay na nalapa na sa sementeryo, aabarahon pa sa checkpoint.

Cotana daa, an binantayan kan mga ini iyo an mga camposanto lalo na an mga mausoleo na hinubonan nin gamit kan mga nagvisitang familia. Magcapira daang mausoleo an rinangka an candado para tabagon an mga sinaray na pagcaon asin gamit kan magparibod an kagfamilia pagsampot kan matanga nin Nov. 1.

*****

    Nueve cientos treintang familia palan sa island maogma an natangkas sa listahan ning 4Ps.

    Segun sa DSWD, an mga hinaring ini sasalidahan man nin mga qualificadong pobreng familia na maisihan pakatapos kan Listahanan.

    An rason sa paghari kan 930 iyo na an saendang mga aki nag-graduar na sa senior high school o lampas nang 18 ang edad.

    An iba man nag-asenso na an pagbuhay y an iba por sobre ta nagviolar kan mga condisyones kan 4Ps, lalo na kung an narecibeng perac pinamakal ogaring nin mga gamit sa harong arog kan TV, cellphone asin iba pa, naubos sa agua de pataranta y juego, y dae man pigagamit sa pag-ataman kan saendang mga aqui, lalo na sa escuelahan.

    An cadaclan, dae na gatrabaho, masque na lamang magtanom-tanom sa saendang solar, ta an gibo maghalat na sana kan pay-out.

    Magayon an plano kan sarong lehislador na imbes na cash, gibohon na sanang bagas an italtag sa 4Ps, tanganing an mga ini maghanapbuhay man para sa isisila sa oro-aldaw. Helingon ta daw kung mangyari...


 [U1]me


0 comments
new to catanduanestribune.com?
connect with us to leave a comment.
connect thru
Cancel
Cancel
Cancel
Other Isip-isipon Ta articles
home home album photo album blogs blogs